Thursday, January 20, 2011

സമര്‍പ്പണം

ഇതൊരു
സമര്‍പ്പണമാണ്. ഒരു പുസ്തകം എഴുതുമ്പോള്‍ ഞാന്‍ നന്ദി
പറയാനുദ്ദേശിച്ചവരുടെ ലിസ്റ്റ്. പുസ്തക രചന വിദൂരകാലസ്വപ്നമായതു കൊണ്ട്
ബ്ളോഗില്‍ ആ സമര്‍പ്പണം നടത്തുന്നു.
ഇത് എന്റെ അച്ഛനും അമ്മയ്ക്കും. ഈ ഭൂമിയില്‍ ജനിക്കാനൊരു അവസരം തന്നതിന്,
പെണ്‍കുട്ടിയാണെന്നതിന്റെ പേരില്‍ എന്റെ സ്വാതന്ത്യ്രങ്ങള്‍ക്ക്
വിലങ്ങിടാതിരുന്നതിന്, ഇഷ്ടങ്ങള്‍ക്ക് പിന്തുണ നല്‍കിയതിന്,...
ഇത് എന്റെ ചേച്ചിക്ക്. എല്ലാ സ്വതന്ത്യ്രങ്ങള്‍ക്കിടയിലും എന്റെമേല്‍
നിയന്ത്രണങ്ങളേര്‍പ്പെടുത്തിയതിന്, എന്തെങ്കിലും
എഴുതിക്കൊണ്ടിരിക്കാന്‍ പ്രേരിപ്പിച്ചതിന്, കുട്ടിക്കാലത്തെ
വഴക്കിടലുകള്‍ക്ക് ശേഷവും ഇപ്പോഴും നല്ലൊരു ചേച്ചിയായിരിക്കുന്നതിന്,...
ഇത് അപ്പേ എന്ന എന്റെ നല്ല സുഹൃത്തിന്. ഓരോ നിമിഷവും ഓരോ കഥയാണെന്ന്
വാക്കുകളിലൂടെ പറഞ്ഞുതന്നതിന്, എന്റെ കൊച്ചുകൊച്ചു സങ്കടങ്ങളെ
മനസ്സിലാക്കിയതിന്, എന്നില്‍ നല്ലൊരു സുഹൃത്ത് ഉണ്ടെന്ന്
തിരിച്ചറിയിച്ചതിന്, എനിക്കും എഴുതാനറിയാമെന്ന് വിശ്വാസം നല്‍കിയതിന്,...
ഇത് എണ്ണിത്തീര്‍ക്കാനാഗ്രഹിക്കാതെ എല്ലാ കൂട്ടുകാര്‍ക്കും.
ഹോസ്റ്റല്‍മുറികളില്‍ തമാശകളും സന്തോഷങ്ങളും സങ്കടങ്ങളും എന്നോട്
പങ്കിട്ടതിന്, എന്റെ വാചകമടി സഹിച്ചതിന്, എന്റെ കുശുമ്പും പരദൂഷണങ്ങളും
വഴക്കും മുഷിയാതെ കേട്ടിരുന്നതിന്, ഓര്‍മ്മകളൊരുപാട് സമ്മാനിച്ചതിന്...
ഇത് ടെക്നോളജിക്ക്. ലോകത്തെവിടെയും നടക്കുന്ന സംഭവങ്ങള്‍ മുറിക്കുള്ളില്‍
എത്തിക്കുന്ന ടെലിവിഷന്, കൂട്ടുകാരുടെ സന്തോഷങ്ങളും സങ്കടങ്ങളും എന്റെ
കാതിലെത്തിക്കുന്ന മൊബൈല്‍ ഫോണിന്, ഈ കുത്തിക്കുറിക്കുന്നതെല്ലാം
നിങ്ങളുമായി പങ്കിടാന്‍ സഹായിക്കുന്ന കമ്പ്യൂട്ടറിനും ഇന്റര്‍നെറ്റിനും,...

4 comments:

  1. All the best dear.. Waiting for the next updates!

    ReplyDelete
  2. Nice To Read..

    Blog world & Human Tongue are alike..Can't revert back what you have right and said...its all about Ur life time experience,opinion,vision,thought,conclusion what ever we calls it as...

    Good attempt!!!

    Good Stories!!!

    Good Presentation !!!

    Good In Dedication !!!

    But keep something of your self too..



    ................Hard Work!!!!!!!!!!!

    ReplyDelete